Detail Berita

Cerita Rakyat di Desa Budaya Giring

“Dhumadine Gunung Bagus”

Versi Sunardi

Desa Budaya Giring adalah desa budaya yang memilki kekayaan potensi budaya sangat banyak. Salah satunya adalah cerita rakyat tentang terjadinya gunung bagus. Gunung bagus adalah tempat wisata alam sekaligus wisata ritual budaya di Desa Giring. Tempat tersebut sangat viral sejak tahun 2018 silam. Cerita rakyat terjadinya gunung bagus di Desa Giring ada beberpa versi. Disini akan disampaikan versi yang ada di Desa Giring menurut buku yang ditulis oleh (Sunardi, 2018, Sejarah Desa Giring, Dinas Kebudayaan Gunungkidul).

“Alas Tutuban kawontanipun ngantos dumugi sepriki ketawis indah, asri, saha adem. Taneman katah-katahipun wit jati, ugi saperangan alit wit mahoni. Setengah-tengahe wana onten mergi tumuju dateng pantai seganten kidul, kados ta pantai Baron, Kukup, Sundak, ugi sanesipun. Mergi ingkang cepak dipun ginakaken warga masyarakat ngadani papan palerenan (res area) saha katah warga ingkang ngupadi rezeki sarana sadean werni-werni dedhaharan saha unjukan, temah katah para wisatawan  ngaso onten papan punika kalian jajan onten ing ngriku. Kepara dados tujuan kuliner tiang-tiang ingkang sami pados dahar saha unjukan ingkang suasananipun asri.   

Satengah-tengahe wana onten petilasan “Gunung Bagus.” Cariosipun makaten: Pangeran Joko Bagus putra Raja Kraton Solo. Piyambakipun sakit cacar kulit ingkang boten mantun-mantun. Ajrih ketularan penyakit punika, kalian keluarga Kraton didamelaken gedong sesingitan.

Pangeran Joko Bagus gesang piyambak, boten pareng srawung kalian sinten kemawon. Rumaos nalangsa saha lingsem, piyambakipun medal saking Gedongan kesah saparan-paran. Salebeteng mlampah onten Karangmojo pinanggih pamanipun Ki Ageng Wana Kusuma, dipun bujuk supados kundur boten kersa. Nglajengaken mlampah tumuju Jati ayu, Wonosari, saha Kamal. Wonten ing Kamal kraos luwe ngelak, onten papan ngriku onten gubuk saking alang-lang, kanyata griyanipun Dewi Roro Lembayung pangajab bade nyuwun toya kepara dhaharan, pirsa bilih tiang kala wau Dewi Roro Lembayung malah mlajar boten sios nyuwun toya, kuwatos mangke bade diaturaken Ramanipun.

Onten ing salah setunggale redi, salebete Alas Tutuban Pangeran Joko Bagus cumondok. Wonten sanginggili redi kala wau piyambakipun gesang ugi diderekaken kalian abdi kekalih. Sauntawis dangu Pangeran Joko Bagus gesang cumondok onten regi wau. Onten sawijine wedal Joko Bagus sare, dipun tengga kalian kekalih abdinipun boten wungu-wungu, kanyata sampun seda.

Kekalih abdi wau boten wangsul dateng Kraton Solo trimah setia kalian bendaranipun Pangeran Joko Bagus ngantos ugi seda ing ngiku. Papan punika pramila sinebat ‘Gunung Bagus” saking carios Pangeran Joko Bagus ingkang sedo ing ngriku. Petilasan Gunung Bagus ugi adamel Alas Tutuban sangsaya grembaka dados papan peziarahan. “

Posted by Oky Wijaya “Pendamping Desa Budaya Giring”

Pustaka : (Sunardi, 2018, Sejarah Desa Giring, Dinas Kebudayaan Gunungkidul)